احبك حب البطه للبطوط والفرخه للكتكوت والصعيدى للنبوت والجربان للبرغوت
بشرى سارة - نوعا ما - يعلن قسم البوستات الخاصة بأبو سلمى الحنين فى مدونة ناعسه عن التالى : اللى عنده اى مشكلة اجتماعيه او نفسيه او عاطفيه او سياسية او ماديه ممكن يسيب نبذه مختصرة فى اللينك بتاع قسم التعليقات تحت , وان شاء الله حرد عليه اول بأول فى بوستات منفصلة وخاصة عن كل مشكله وربك يستر على الولايا ...... بس عايزين نتفق ياخوانا ان ما حدش يسأل فى اى فتوى دينيه زى ما حصل قبل كده لان زى ماانتم عارفين انى مش اهل للفتوى ومش حرد عليكم فى الحاله دى ولو حد غلس ححذف تعليقه والله ... وانتم حرين بقى ..... عايزين كده مشاكل خفافى خفافى ..... حاجه ع السريع كده ......وتحذير تام من السب والقذف عشان مش طالبه تهديدات على البيت الله يكرمكم .... الحكاية مش ناقصه فذلكه ..... وكما قال الشاعر سبت حد اتنين ثلاث .... وماسابهوش النقاد وقالوا : اربع خميس والجمعه كمان.
وتنه عامر
ودمتم
هناك 6 تعليقات:
افكر وبعدين اقولك على مشكلتى الاول
أنا بقي عارف مشكلتي اللي حصلتلي النهاردة
راجل غريب جدا وغريب أحسن منه يشتمني ويهزقني أنا مقولتش أني أحسن واحد في الكون وعارف أني أزبل من الزبالة بس ميجيش واحد زي ده علي آخر الزمن ويشتمني أنا ليه يعني هو أنا كنت أيه بالظبط في نظره!!!!
أرجو الإفادة وليس المواساة
حاسة بانى مخنوقة ومتدايقة جدا جدا ومن غير سبب كمان مش عارفه ليه بس يمكن ماليش قيمة نفسى حد يحبنى ما حدش بيحبنى خالص وقاعدة زهقانه ما بعملشى حاجه من ساعه ما اتخرجت وقلقانه ليفوتنى قطر الجواز وبصراحة كده خايفة اعنس انا تعمدت انى ما بينشى انا مين عشان اقول كل اللى جوايا من غير ما اتكسف او اخجل من انى اقوله وما اظنش ان عندك حل للى عندى وبالنسبة للغير معرف اللى متدايق من انه اتشتم فاحب اقوله معلشى خليك انت الاحسن منه وسامحة عشان ربنا يسامحك على حاجات تانيه يمكن تكون عملتها فى دنيتك
انا مشكلتي لذيذه خالص
عارفه لما الواحد يكون عادي جدا وبعدين يبقي فرحان جدا جدابيبقي خايف ان السعاده اللي هوا فيهادي تروح
مشكلتي اني سعيد بس خايف علي سبب سعادتي انه يضيع مني او يبعد عني يريت حل يخفف عني القلق اللي انا فيه
انا بقي عندي 19 سنه
ونص لسه وخايفه موت من اني هعنس لاني مش اجتماعيه بالقدر الكافي مع اني جميله ودمي خفيف بس مش بعرف اتعرف علي شباب وبالرغم من ان كزا شاب كانوا عايزين يتعرفوا عليابس انا اتلبخت وبصراحه حاولت كتير اغير من طبعي ما عرفتش انا عايزه اتجوز مش عايزه اعيش لوحدي حد يرد عليا ويقوللي اعمل ايه
بصوا بقى والله حقول للقمورتين ال غير معروفتين ال خايفين يعنسوا حاجة حلوة انا مقتنعة ان مفيش بنت بتعنس ( ايـــــــــــوة )كل واحدة فينا ربنا خلقلها نصها التانى ال يكملهاودة ممكن تكون محظوظة وتلاقيها فى اول حياتهالكن بنت تانية ممكن تعيش تدور علية وقت اطول لكن فى الاخر لازم حتلاقيةعلشان يكملها يعنى كدة او كدة حتلاقية حتلاقية
إرسال تعليق