اعتذار

أعتذر"لقلبي"لأني أتعبته كثيرا في لحظات حبي وجرعته ألما في لحظة حزني ونزعته من قلبي وبدون تردد لأهبه لغيري أعتذر"لأوراقي" لأني كتبت بها وأحرقتها ورسمت الطبيعه عليها وبدون ألوان تركتها وبدون ألوان تركتها وفي لحظة همومي واحزاني لجات إليها وفي لحظة فرحي وراحتي أهملتها وعندما عزمت الاعتكاف عن الكتابه مزقتها وودعتها إلى الابد أعتذر"للقلم"لااني في معاناتي اتعبته ولااني حملته الالم والاحزان وهو في بداية عهده وعندما إنتهى رميته واستعنت باآخر مثله أعتذر "للواقع"لااني بكل قسوه رفضته واغمضت عيناي عنه في كل لحظاتي المره وشكلته بشبح اسود يتحداني بدون رحمه ونسيت بانه مدرستي التي جعلتني اكون حكيمه في المواقف الصعبه أعتذر"للأحلام"لااني اطرق ابوبها في كل ساعه واجعلها تبحرني في كل مكان اريده فهي من حققت كل امنياتي دون تردد وهى من اتعبتها معي حينما كبرت وكبرت معي احلامي ورغم ذلك كله لاتتذمر وإنما تقول اطلبي وانا على السمع والطاعه أعتذر"للأمل"حين رحلت عنه وبدون استئذان ولازمت الياس في محنتي ومكابرتي رغم مرارتي والامي اقول إنني اسعد إنسان فلقد كانت سعادتي الوهميه تكويني في صمتي وتعذبني في ليلي دون إحساس الاخرين بي فـ عذراً ايها الامل أعتذر" للسعاده" لااني عشقت الحزن وحملته شطراً من حياتي وعشقت البكاء لااني انفس به عن الآمـي وعشقت الجراح لاانها أصبحت قطعه ارقع بها ثغور ثيابي وعشقت الصمت في لحظة الالم لانها تحفظ لي كبريائي فـ عذراً ايتها السعاده لااني ابعدتك عن حياتي أعتذر"للقاء" لااني كتبت عن الرحيل والوداع ولااني جردته من قاموسي الملتاع ولااني اصبحت خاضعه للقدر فـ آمنت بالرحيل كثيراً وبكيت لااجله كثيراً وتناسيت كلمة الإجتماع واللقاء أعتذر" للحياه"حينما اتهمتها بالقسوه وللطيور والبلابل حينما قلت عنها خرساء وللدموع حينما جمدتها بالعين ولصندوق الذكريات الذي اخرجته بعد دفنه أعتذر "لكلمة أعتذر"لأني ادخلتها في بحور شتى من الاعتذار وأدمعت عيناها حينما سمعت اعتذاراتي
التوقيع
ما أصعب كلمة الوداع

للإمانة منقوووووووووووووووووووووووووووول من الويب

صور فرفشة خالص

انعدام الثقة : بين النظرية والتطبيق ؟؟؟؟؟؟

مش حطول عليكم , انا عافة ان الموضوع اللى حقوله مش مهم عندكم , بس اسمحولى اقول الجملتين دول لاهم تعبينى اوى من امبارح , وبجد محتاجه تعليقاتكم
انا كنت فاكرة انى غلطانه لما اتهمت قبل كده انى ما بثقشى فى الناس , وما انكرشى انى حسيت بتأنيب ضمير جامد جدا لانى احيانا بيبان غصب عنى انى ما باحبش حد يعملى حاجه لانى مش واثقة ان الحد ده ممكن يعمل الحاجه دى على اكمل وجه او على الاقل زى ما انا كنت ممكن اعملها لوحدى , من غير كلكيع , كلنا عارفين نظرية ان الست ما بتحبش حد يلخمها فى المطبخ لانها دائما وابدا عندها احساس بأن اى حد ممكن يخش المطبخ معاها حيعكلها الدنيا ويلخمها , بعكس لو كانت هيه لوحدها فى المطبخ , متهيألى حنجز من غير خسائر , يعنى الكلام ده ينطبق على اى مثال تانى , بس انا حبيت ابسطهالكم.

الخيبة بقى فى انك تكتشف بعد تأنيب الضمير ده فى عدم ثقتك فى اغلب الناس ان ظنك كان فى محله , وان البوبع اللى كنت خايف منه ظهرلك , وكل شئ انكشفن وبان , وعلى وشك يبان يا نداغ اللبنان , اكتشفت امبارح بالليل وانا فى لحظة تجلى كده مع نفسى ان الناس اللى معرفتك بيهم اقل من 5سنين حد ادنى ما ينفعشى حد يثق فيهم ثقة مطلقه , وده لانى كل اللى بان منهم انهم مش كويسين من ورايا مشتركين فى انهم بكتيرهم اعرفهم من 5 سنين , بس ده ما يمنعشى ان فيه منهم اعرفهم اقل من 5 سنين وتمام وزى الفل , زى نعمة صاحبتى ودعاء شموس ودى انسانة رائعة بكل المقاييس ,وسمسمة صلاح , وهبه عارضة الازياء , وشرويت , وبرده ده ما يمنعشى ان فيه ناس جزم جدا اعرفهم من اكتر من خمس سنين ومع ذلك ما ينفعشى اثق فيهم .

بإختصار ان القاعدة هو انه لا يوجد قاعدة , ونصيحة منى , انا الدنيا علمتنى مااثقشى فى حد اوى عشان ما تبقاش صدمتى فيه كبيرة اوى اوى اوى

معلشى كلمة حق ولازم تتقال : نونا بره الحوار ده كله , فهى ارفع من ذلك .
سلام

احلى نشيد عجبنى لمشارى راشد فى شريط ذكريات بجد حيعجبكم مووووت

اضفيت

اضفيت على الحسن العبقا فالورد تضــــــوع واعتنقا
حسن ياب لنا الخــــــــــلقا طهره فلا يحـــــــوى نزنقا
واجعله يقلد فى صــــــــبر للهادى فى حســـــــــن خلقا
حسن يارب لنا الخـــــــلقا فالعبد باخلاق ســــــــــــبقا
فى جنة خــــــــــــلد مقعده فى قربك احمد ملتــــــــحقا
من كان له خلق حســـــنا سيكون الاقرب فى الرفــقا
كم اثنا الله على خـــــــــلق فى احمد اصدق من صدقـا
قد ادب ربى مرســـــــــله هو اكرم من ربى الخــــلقا
هو رحمـــــــــــة امته ابدا وسراج النور قد ائتلــــــقا
خلق القرآن شــــــــــمـيلته فضل الرحمن به رزقــــا

كلمات محمد القولى

وده حب ولا نقار ؟؟؟

وعن ندرة بيضة الديك اقول

بجد حاجة صعبة فى الزمن ده انك تلاقى حد نقى "pure" من جواه , من غير مصالح شخصية ومن غير ما يكون منظر على حاجه , بس ده ما ينفيش وجود الناس دى , لان فيه ناس فى حياتى "pure" وبعاملونى حقيقى من غير اى نوايا خبيثة دفينه فى ام رأسهم , عندكم مثلا ماما عمرها ما عملتلى حاجه وهيه مستنيه مقابل منى نظير اللى عملتهولى - وكذلك الحال بالنسبة لامهاتكم الفضليات - , اهه ده اللى بيسموه الحب الحقيقى , ان حد يحبك بجد ويخاف عليك ويحاول بكل جهده انه يسعدك من غير اى مقابل , وبالعكس يمكن فى يوم تزعله فى نفس اللحظة اللى هوة بينوى فيها مساكحتك على أخطاءك .... الحب اللى ما بينى وبين ماما كده بالضبط , يعنى حب نادر الوجود صعب انه يتكرر فى العالم الا فى حاله لو كان حب مناظر , يعنى مثلا حب واحدة صاحبتى لمامتها , اعتقد انه مشابه لحبى لمامتى , ووبرضه نادر زيى حبى لماما بالضبط , وفى الدنيا دى فعلا حب اللى يحبك ,لأنك صعب تلاقى حد تانى يحبك لو ضيعت الفرصة دى من ايدك , وكل سنه وماما طيبه وماماهاتكم كلهم طيبين بصحة وسعاده .

واشوف وشكم بخير

سلام

يالهوتى يانا يا غلبى

حنفجر من الغيظ

حيعيط حيموت حيقلد الكتكوت

لا تعليق

من غير زعل :

واحدة صاحبتى قالتلى جملة فعلا جامدة جدا وبالنسبالى...
واحدة صاحبتى قالتلى جملة فعلا جامدة جدا وبالنسبالى كانوا صدمة صحيتنى على حقيقة او واقع ملموس لدرجة انى ما ركزتش فى كلامها اللى كان معايا بعد كده يلا بينا ؟ ماسى يلا بينا ...الجملة : " قطيعة تقطع الرجالة وسنينهم .... كلهم زفت ...وحتى الكويس معايا وحش مع غيرى" ؟؟؟؟؟؟؟؟وبالقياس فى المنطق :

كل الرجالة زفت

الكويس معايا رجالة

____________

اذن الكويس معايا زفت

طب طب ... بشويش ؟ نبتدى بالنتيجة بتاعت القياس اللى قلته فى الاول , لو افترضنا ان المعلومة اللى بنيت عليها القياس دى صح اساسا فمعنى كده ان فيه هم " معين " البنات بتعانى منه , وهى ان مافيش واحد حيتأدملها الا لو كان زفت , الحمد لله انى ما عنديش وقت اتجوز ...الحمد لله , مممممممممم....حتقولوا بنخع عليكم لما قولت ما عنديش وقت اتجوز مش كده ؟ معلشى منه لله هربرت صمويل ودويتش وماكويل وماكبرايد والعولمة والبنيويه و.......عالم ابحاث ابحاث ......معلشى فترة وحتعدى .

طب انا دلوقتى ذنبى ايه اذا كان كل اللى اتأدمولى لحد دلوقتى سورى يعنى " زفت " , اللى امه غاصبه عليه , واللى يقولى اعكسها وأحجز عروسة وبعدين افكر فى الجواز , واللى جايلى من مسلسل ذئاب الجبل , واللى جايبلى شوكالاته واول ما يخش البيت عندنا يفتحها وهاتك يا أكل فيها , واللى يدخل بالاربع ساعات وفى الاخر يقول ما شفتهاش كويس وبعدين يسأل ماما ببراءة ممكن آجى تانى ؟ وانا عجلة وعايز يآخدها كمان لفه ؟ واللى واللى واللى .......

ومن غير زعل ولا موآخذه كده الرجالة والولاد - بتوع اليومين دول - كلهم نيلة وزفت وقطران ومافيهومشى واحد عدل , وكلهم عايزين الضرب على نفوخهم . اللى ابقى قاعدة جمبه فى المشروع والاقيه مطلع خرطوشة سجاير ويعزم بيها على المشورع كله ولما اكح يقول للى جمبه: " ياعم سيبك من اللى بيكحوا دول عالم ما فيهومشى صحة زينا " ....اسم الله على صحته من الهباب اللى بيطفحه ده ...بلاش ده ناخد غيره ....انا بطبيعتى دايما وانا فى سكتى من الكليه للبيت بشترى جورنال " الدستور طبعا " وهاتك ياتريقة طول ماانا ماشية والجورنال باين ..... يالهووووووووووووووووى... اللى يقولى : "خلاص الثقافة مقطعة بعضها " , واللى يقولى : " ياعم دى معارضة " , بلااااااااااش كده ...جربت اخبى الجورنال جوة الاسكتش بتاعى بس طرفة لازم بيبان غصب عنى لان الاسكتش بتاعى صغنونة , وبردة تريقة وتعليقات سخيفة اخرها " مخبية متفجرات دى ولا ايه " , " بتوزع منشورات " , " دى باين عليها اخوان " ؟؟؟؟؟؟؟

المهم .... انا حسيبكم دلوقتى عشان مصدعة جدا جدا , ولازم انام بدرى عشان اصحى بدرى عشان ورايا حاجات متلتلة جدا لازم اقدمها لدكتور غريب وبعديـ........ , بتسألوا مين دكتور غريب ده ؟ والله فكرة ححكيلكم مين دكتور غريب ده المرة الجاية , وعموما مؤقتا الراجل ده يعرف بإختصار شديد على انه " كائن حى يعيش ويتعايش " .

ونكمل المرة الجاية ,

اشوفكم على خير ,

وتصبحوا على خير

.ياسمين يوسف

قولى لوين : احدث نغمة لمشارى راشد

للتوضيح بس :
حبيبى اللى كنت بتكلم عنه ده يبقى اخويا الكبير

روحى روحى روحى فيه

حبيبى قالى :

حبيبى قالى النهاردة " عيشى يابنتى الطظ الكبيرة " , وصدمنى اكتر لما قالى بكل فخر : " يعنى انا مثلا بخش الساعة 10 على بتاعت الامضى اللى المفروض امضى عندها الساعة 8 بكتيرى , ومع ذلك بقولها بكل بجاحة شهلى شوية ومضينى بسرعة عشان انا مستعجل اوى وعايز اروح " .

طول عمرى اتمنى اطلع زيه فى بجاحته وجرأته مع الاخرين .

هوة صحيح متجوز وعايش حاليا حياة شبه مستقلة , بس ده ما يمنعشى انى فاكراله ايام كتيييييييييييييييير كنت بحاول – مجرد محاولة – انى اصحيه من نومه عشان يروح شغله.... بجد ببقى معجبه بيه جدا لما يطنشنى ويروح هاششنى زى النموسة لما اقوله : " بس حتنام ازاى وتكنسل الشغل النهاردة وانت مخلص كل ايام اجازاتك ؟ " ويبهرنى برقته لما يرد عليا ويقول : " أبو الشغل وأبو اللى عايز يصحى " .


ليه اقول مأثورة كتيرة بحبها وبصبر بيها نفسى على الغلب اللى انا شوفته فى حياتى القصيورة فى بعده عنى ....مثلا زى : " لما بشوفك ماسكة الجورنال بحس ان مش ناقصلك غير نظارة كعب كباية وتبقى شبه سنوايت " شفته رومانسيته .

هوة اينعم سنوايت ما كانتشى بنظارة , ولا عمرهم حاكولنا زمان ان سنوايت كانت بتقراء الجرايد للاقزام السبعة ...بس برده بحب اكسبرشناته .

ياسلام عليه لما يتكلم فى السياسة بحس ان فيه بذرة عبقرية جواه ... ومش حقدر انسى يوم اعدام صدام حسين لما الدموع فرت من عينه وهوة بيقول : " هوة مين اللى حيحكم العراق بعد ما ادهم صبرى تنحى عن الحكم ؟"


بجد بحبه مووووووووووت .


ياسمين يوسف

المشهدالثالث والرابع من سوسته دوت كوم .

ملحوظة :

********

للى ما شافشى المشهد الاول والتانى برجاء الدعبسة عليه عندى فى مدونتى الاول وبعدين ابقوا تعالوا تانى واقروا اللى انا كاتباه دلوقتى ....اوك ؟ يلا بينا .

المشهد الثالث :

*********

*********** عند اول الشارع :************

منص : اسمع الكلام يازغلول ....انت ماادماكشى غير الحل ده

زغلول : يستحيل يا منص مش انا اللى اعمل كده

منص : ياواد فتح مخك ده انت حتكسب دهب ...بلاش عشان خاطر مستقبلك والكلام الفارغ ده ...خلينا فى المهم ...الكمبيوتر يازغلول ...الانترنت ياكوارشى ؟

زغلول : انت اتجننت ؟ مش انا يا منصل اللى اشتغـ...... انت قولت ايه من شوية ؟

منص : الكمبيوتر ياكوارشى اللى ابوك منشف ريقك عليه ...ها قوت ايه ؟

زغلول : طب والموهبه , انت عارف انى ما بعرفشى أ....

منص : صدقنى الموهبه عندك يا كوارشى بس هيه اللى دفينه حبتين .

زغلول : دفينه !!!!

منص : أينعم .

زغلول : طب على الاقل ادينى مهلة أفكر

منص : مافيش وقت للتفكير , انا خلاص قولت للجماعة انى لقيت واحد , وهمة عملوا حسابهم على كده

زغلول : طب قدر ابويا عرف ؟

منص : وإيه اللى حيعرفه بس ؟ ممممم اقولك ...قول لأبوك انك اشتغلت ممرضة ؟

زغلول : انت حتهزر ...لا ياعم انا حقوله الحقيقة يمكن اصعب عليه ويرجع فى كلامه ويجيبلى الكمبيوتر لما يعرف انى حنحرف

****************************************************************************************************

المشهد الرابع :

*********

***********فى البيت :***********

بهلول : حراااااااااام عليك يابنى هارتنى شااااااااااااااااى ارحم اهلى بقى وخش فى المفيد وبلاش شغل الاهوجية ده معايا على المساء.

***********لا ادرى من اين يعرف ابى - بهلول الكوارشى - فى كل مرة رغبتى فى التحدث عن موضوع ما ...يبدو هذا لى غير مألوفا بالمرة .

زغلول : عايز كمبيوتر

بهول : تانى ؟ احنا مش كنا خلصنا

زغلول : لأ ما خلصناش ....المرة دى مسألة حياه او موت

بهلول : يعنى ايه ؟ حتموتنى لو ما جيبتهولكشى ؟ آدى اللى كان ناقص ياسى زغلول

زغلول : لا يابابا ...ما اقصدشى انت , انا بتكلم عليا انا .

بهلول : وتموت كافر ؟ بقى دى آخرت تربيتى فيك ؟ كله من دلع امك , هى السبب

زغلول : يادى النيلة ....يابابا ركز معايا , انا قصدى ان قرارك المرادى حيبقى مفترق طرق بالنسبالى .

بهول : وكمان عايز تهج وتسيب البيت ....

زغلول : انت عبيط يابابا ؟ قصدى ...

بهول : ؟؟؟؟

زغلول : يالهوى مش قصدى ...أصل ؟

بهول : ؟؟؟؟

زغلول : يوووووه لأ بقى ...شوف لو ما جيبتليش الكمبيوتر اللى انا عايزه أنا مضطر اغنى وألم النقطة ورا الرقاصة اللى منص بيشتغل عندها طبال

بهلول : ايه ؟ نقطة ؟

زغلول : ايوة

بهلول : انت عايز تشتغل كده ؟ ومع منص الفاشل ده ؟

زغلول : انا ما قولتش عايز ....ده كان مجرد اقتراح من منص وقابل للتفكير , عموما انا حبيت أقولك ايه اللى بيدور فى دماغى عشان تعرف قراراتك ممكن توصلنى لفين ؟

بهلول : قرارات ايه يابنى ؟

زغلول : قرارك بإنك مش حتجيبلى الكمبيوتر غير لما اشتغل واجيبه بفلوسى , شفت ازاى انا ماارضتشى انحرف غير لما اقولك الاول ؟

بهلول : يا حبيبى يابنى

زغلول : يا حبيبى يابابا ..... يعنى خلاص رضيت عنى وحتجيبلى الكمبيو...

بهلول : طبعا يا زغلول انا مااقدرشى اقف فى طريق سعادتك , ها ما قولتليش يعنى ؟

زغلول : نعمين يابابا ؟

بهلول : حتآخد كام بقى فى الشهر ؟

زغلول : ايه ؟

بهلول : انا بقول يستحسن التعامل باليومية طالما الموضوع فيه نقطة

زغلول : نعم ؟؟!!؟؟!!؟؟

بهلول : قولتلى رقم موبايل استاذ منص كام ؟

**********************************************************************

والى اللقاء عن قريب ان شاء الله مع المشهد الخامس والسادس

تحياتى لكم

ياسمين يوسف

طريقة عمل طاجن العكاوى :

طريقة عمل طاجن العكاوى :

المقادير :

1. كيلو عكاوى
2. ثلاث بصلات حبتين طماطم وتعصر
3. حبة فلفل رومى او حامى حسب الطلب (انا بحبه مولع )
4. ملعقتين دقيق
5. ملعقتين زيت ذرة او سمن
6. واحد ونصف كوب ماء
7. ملح و فلفل وبهارات وحبهان وشطة حامية

طريقة التحضير :

1. تقطع العكاوى وتغسل جيدا .
2. يقطع البصل قطع صغيرة ثم يحمر حتى يصفر لونه .
3. تضاف العكاوى والتوابل وتقلب على النار .
4. ثم يضاف الدقيق ويقلب لمدة ثلاث دقائق .
5. يقطع الفلفل الرومى ويضاف مع عصير الطماطم والماء الى الخليط السابق ويترك حتى ينضج .
6. ويضاف الملح بعد النضج .
7. واخيرا يقلب الخليط السابق فى طاجن ويضاف اليه قليل من الماء حسب الطلب و يترك فى الفرن لمدة عشرون دقيقة ولا تؤكل نهائيا الا بعد تجريبها على فأر تجارب .

وبالهنا والشفا .....

ياسمين يوسف

اختبار ذكاء جامد

30سؤال ذكاء:

هات ورقه وقلم وجاوب علي الاسئله ديبعد كده قارن اجاباتك بالاجابه الصحيحه
من20-30 اجابه صح يبقي انت عبقري بجد لازم تفخر بنفسكمن

10-20 اجابه صح كويس مش وحش بس شغل الدماغ شويه

اقل من 10 اجابات صح معلش بقي ارجع انت حماسي حبتين وبتتسرعالاسئلة :

1-ماهي أطـول آية في القرآن ؟

2-ماهو الشيء الذي لا تحب ان تلبسه وإذا لبسته لا تراه ؟

3-ماهو الشيء الموجود في كل شيء ؟

4-ماهو الذي تراه في الليل ثلاث مرات وفي النهار مرة واحدة ؟

5-يسير بلا رجلين ولا يدخل الا بالأزنين؟

6- من الذي يرى عدوه وصديقه بعين واحدة ؟

7-من هو الزي قتل سدس سكان الأرض؟

8-ما هو الشئ الذي كلما ذاد نقص؟

9-ما هو الشئ الذي له اسنان ولا يعض؟

10-ما هو الشئ الذي تاكل منه مع انه لا يؤكل؟

11-ما هو الشئ الذي يكتب ولا يستطيع القراءه؟

12-ما هو الشئ الذي اذا وصل لدرجه الغليان يتجمد؟

13-من هو الحيوان الذي يحك اذنه بانفه؟

14-ما هو الشئ الذي كلما اخذت منه يكبر؟

15-ما هي التي تاكل ولا تشبع؟

16-ماهو الشيء الذي كلما كثر لدينا غلا وكلما قل رخص ؟

17-ماهو الشيء الذي يوجد في وسط باريس ؟

18-ما هو البيت الذي ليس له ابواب ونوافذ؟

19-من هو الذي مات ولم يولد ؟

20-ماهو الشيء الذي له اربع ارجل ولا يستطيع المشي ؟

21-ماهو الشيء الذي يستحيل كســره ؟

22-بحر بلا ماء اين؟

23-ماهو القبر الذي سار بصاحبه؟

24-امرأه عـقيم أي لا تـنجب أطفال . فهل تـنجب ابنتها اطفالأم تكون مثل أمهـا ؟

25-أكلت فلـفـل فتـفلـفل فـمي ... كم فاء في ذلك ؟؟

26-اخت خالك وليست خالتك من تكون؟

27-ما هو الشئ الذي يمشي ويقف وليس له ارجل؟

28-ماهو الشيء الذي ينبض بلا قلب ؟

29- ثلاثه يعبرون جسرا الاول راي الجسر ومشي عليه والثاني راي الجسر ولم يمشي عليهوالثالث لم يري الجسر ولم يمشي عليهفمن هم الاثلاثة ؟

30-رجل انجب بنتا فانجبت بنتا فتزوجت من ابنك فكنت انت خال زوجهابنتك ما صله قرابتك بالرجل الاول؟

الاجوبة :

1- ايه المداينه سوره البقره
2- الكفن

3- الاسم
4- حرف اللام
5- لصوت
6- الاعور
7- قابيل قتل هابيل وكان سكان الارض
8- العمر
9- المشط
10-الطبق
11- القلم
12- البيض
13- الفيل
14-الحفره
15- النار
16- العقل
17- حرف الراء
18- بيت الشعر
19- سيدنا ادم
20- الكرسي
21- المبتدأ
22- علي الخريطه
23- الحوت بسيدنا يونس عليه السلام
24- هي اصلا عقيم يعني ليس لها ابناء لساسا
25- لا يوجد حرف فاء في كلمه كذلك
26- امك
27- الساعه
28- الساعه
29- سيده حامل وتحمل ابنا علي كتفها
30- ابوك

تحياتى ليكم جميعا

(للامانة منقــــــــــــــــــــــــــــــــــــــــوووووووووول من الويب )

سوستة دوت كوم

المشهد الاول:

بهلول: كبايه شاى سخيفة زى اللى عاملها
لم التفت لمثل هذه السخريه, فقد اعتدت عليها من ناحيه , ومن ناحيه اخرى قد يكون لابى وجهة نظر ثاقبه فيما قاله بخصوص ذلك الكوب الناتج من تفاعل قليل من الشاى والسكر مع كثير من الماء المغلى ليقدم له مع مزيد من المقدمات المصحوبه بشئ من الارتباك.......هل هذا وقت مناسب؟ ام انتظر الرشفه الثانيه له والتى من المستحيل ان يفعلها مع هذه النكهة الغبيه؟.....كلا ....... ساحسم الامر.
زغلول:عايز كمبيوتر .
بهلول:لا يابنى شكرا ...كتر خيرك
زغلول:لا يا بابا !...ده مش سؤال ....ده طلب!!!!!!
ينظر لى وقد بدات عينيه تطلق بريق غريب المنظر...
بهلول:عايز تدخل الميكروسوفت فى بيتى ؟ اهو ده اللى كان ناقص.....يااخى خاف على سمعة اخواتك البنات!
زغلول: اخواتى البنات؟..دول متجوزين وفى بيوتهم!...وبعدين مافيش علاقه بين الكمبيوتر واخواتى البنات!!!
بهلول: ولو.
زغلول : ليه بس ؟
بهلول :لما تبقى تشتغل وتحس بطعم القرش تبقى تجيبه ساعتها فى بيتك.
قالها لى رافعا حاجب التهكم الايسر ...لينهى الموضوع ...ويمضى ...


المشهد الثانى:

الام : الغذاء جاهز يابهلول.
نطقتها امى فاحتشدنا حول- الطبلية- فنحن ولا فخر ننتمى لتلك الطبقه المستورة التى تمتلك مائده طعام ولكنها تفضل الاكل على –الطبلية- فمائدة الطعام بالنسبه لنا لا تستخدم سوى للاستذكار, هل تعرفون هذه الطبقه؟....حسنا دعونا نستكمل .
زغلول :فول تاااااااااانى ؟حرام بقى .
الام :حرمت عليك عشتك , ده بدل ماتحمد ربنا على النعمه اللى غيرك مش لاقيها .
زغلول: حامده وشاكره ما قولناش حاجه ....بس النهارده بابا جاب معاه لحمة, وديتى اللحمه فين يا ماما ؟؟
الام : اسال ابوك.
زغلول : وديت اللحمه فين يا بابا اعترف ...فيه نا س مهمين شافوك معاها.
بهلول : جرى ايه يا زغلول...انا قولت لامك تخليها لعزومه بكرة.
زغلول : عزومة ايه ؟ اوعى تقولى ان اخواتى البنات واجوازهم وعيالهم معزومين عندنا ؟ حرام عليكم دا انا كان يجيلى زغطه من الصدمة.
بهلول : اطمن ....العزومه دى عشان عمك " مازاميزو".
زغلول : عمى "مازاميزو" ؟ هوة رجه من الامارات؟
بهلول : ايوة .
زغلول :وهوة يعنى ما كلشى لحمه عندهم فى الامارات وجاى بقى باكل حته اللحمة اليتيمه اللى عندنا؟
بهلول : اتلم ياواد ده عمك الكبير .
ثم صوت قادم من الشارع
منّص :" يازغلول يا كوارشى"...." ازغلوووووووووووووووووول" .
زغلول – من داخل الشقه- : ما حدش ياكل طبقى يا جماعه , انا طالع البلكونه اشوف "منّص" عايز ايه وجاى علطول.
الجميع – الام وبهلول-: احسن برده.
وفى البلكونه
زغلول:صباحه فلّ يا "منّص".... اتفضل اتغذى معايا...ههه....هه..._يضحك بتراجع فى موقفه_
منّص : لا..لما تخلص الغداء ابقى انزلّى يا "كوارشى" انا على اول الشارع ..هه؟
زغلول : خير فيه حاجه؟
منّص : ياعمّ لما تخلص ابقى انزلّى والسلام.
نظرت اللى الداخل , تحديدا الى طبق الفول ثم :-
زغلول : غذاء ايه بقى ؟ ماخلاص...ثوانى ونازلّك.





والى القاء
اراكم قريبا مع المشهد الرابع