بجد حاجة صعبة فى الزمن ده انك تلاقى حد نقى "pure" من جواه , من غير مصالح شخصية ومن غير ما يكون منظر على حاجه , بس ده ما ينفيش وجود الناس دى , لان فيه ناس فى حياتى "pure" وبعاملونى حقيقى من غير اى نوايا خبيثة دفينه فى ام رأسهم , عندكم مثلا ماما عمرها ما عملتلى حاجه وهيه مستنيه مقابل منى نظير اللى عملتهولى - وكذلك الحال بالنسبة لامهاتكم الفضليات - , اهه ده اللى بيسموه الحب الحقيقى , ان حد يحبك بجد ويخاف عليك ويحاول بكل جهده انه يسعدك من غير اى مقابل , وبالعكس يمكن فى يوم تزعله فى نفس اللحظة اللى هوة بينوى فيها مساكحتك على أخطاءك .... الحب اللى ما بينى وبين ماما كده بالضبط , يعنى حب نادر الوجود صعب انه يتكرر فى العالم الا فى حاله لو كان حب مناظر , يعنى مثلا حب واحدة صاحبتى لمامتها , اعتقد انه مشابه لحبى لمامتى , ووبرضه نادر زيى حبى لماما بالضبط , وفى الدنيا دى فعلا حب اللى يحبك ,لأنك صعب تلاقى حد تانى يحبك لو ضيعت الفرصة دى من ايدك , وكل سنه وماما طيبه وماماهاتكم كلهم طيبين بصحة وسعاده .
واشوف وشكم بخير
سلام
هناك تعليقان (2):
طبعا انا ماعنديش مدونة علشان كدة انا حستغل مدونتك وأقول رسالتين .
الاولى لماما
(ماما حبيبت قلبى كل سنة وانتى طيبة وربنا يخليكى ليا
واللة انا عارفة ان احسن حاجة فيا انتى ، ولو الناس شايفة اى حاجة حلوة فيا فدة يرجع ليكى انتى وربنا يكرمنى وافضل تحت رجليكى .
الرسالة الثانية لروحى
انا بقى فى واحدة مش متخيلة الدنيا من غيرها اقولكم مين هى (تيتة)
انا عايزة أقولها كل ثانية وانتى طيبة ويارب يخليكى ليا وتجوزى ولادى ( يا موزتى يا غالية )
ده فعلا شخص عظيم عشان ينشر حبه بالشكل ده, وامى اعظم منه عشان مستحملانى , وفعلا مقدرانى وعارفه انى بحبها, او بتحبنى من غير ما تحتاج انى احبها .
امى هى الاغلى فى حياتى , ومش محتاجة يوم واحد فى السنة عشان اقولها ده , لأن عمرى كله ملكها...
إرسال تعليق